حمل تطبيق بازار وعيش تجربة تسوّق استثنائية!

الأسئلة الشائعة

تبغى تعرف أكثر؟

أكثر الأسئلة الي تخطر في بالك عن بازار وخدماته جاوبناها هنا، اقرأنا واعرفنا أكثر أو خلينا متواصلين

اتصل بنا

ماهو تطبيق بازار؟

تطبيق يساعدك على شراء منتجات متنوعة من السوق الشعبية عبر الفيديو بضغطة زر.

كيف أطلب عن طريق تطبيق بازار؟

بعد تحميل التطبيق راح تظهر لك الفيديوهات مقسمة بحسب المحلات، راح تتمكن من مشاهدة المنتجات فيديو وبعدها تضغط على الشاشة مرتين، تسأل البائع عن المنتج وفي حال أعجبك تكمل الطلب بوضع المنتج في السلة وتدفع تبغى تعرف أكثر؟ حمل التطبيق وشوف الرابط bazaarwalk.com

في أي مناطق المملكة راح تلاقي بازار؟

حاليًا في جدة وراح نتوسع في جميع مناطق المملكة في أسرع وقت بإذن الله

ايش المناطق اللي سيتم التوصيل لها في حال اشتريت من بازار؟

حاليًا جدة، لكن في القريب جدًا راح نوصل لجميع المناطق

ايش الأسواق المتاحة على تطبيق بازار؟

حاليًا جميع المجمعات والأسواق الصغيرة في منطقة سوق الصواريخ

متى راح يتم إطلاق التطبيق على IOS؟

غمضوا عين وفتحوا عين تلاقونا جيناكم

كيف أقدر أرجع منتج؟

قدم طلب استرجاع، ورح نتكفل نحن بعملية الاسترجاع كاملة واطمن مبلغ الشراء الي دفعته راح يرجعلك كامل

هل أقدر أسترد المبلغ المدفوع؟

أكيد، مبلغ الشراء اللي دفعته راح يرجع لك كامل وماحتتحمل أي مصاريف خلال عملية الاسترجاع.

ايش هي وسائل الدفع المتاحة؟

فيزا طبعًا وآمرنا ايش تحب نضيف؟

في حال واجهتني مشكلة تقنية، أرجع لمين عشان يحلّها؟

راسلنا عبر صفحة الدعم الفني، وسنوجه الرسالة للإدارة المختصة عشان يتواصلوا معاك ويحلوها في أسرع وقت

إذا واجهتني مشكلة في الدفع كالتعرض للاحتيال خلال الشراء عبر التطبيق ايش أسوي؟

بعد رفع المشكلة برضو عبر صفحة الدعم الفني سنقوم نحن بالتواصل مع البنك ونرجع لك بتفاصيل الحل

في حال قمت بطلب أكثر من منتج من أكثر من محل في طلبية واحدة، هل رح استلم طلبي كامل في نفس اليوم؟

إذا طلبتها في نفس الوقت فإحتمالية وصولها لك في نفس اليوم واردة لكن راح توصلك على شكل شحنات متفرقة حفاظًا على هوية المتجر، واحتمال راح تستلمها من نفس المندوب أو غيره على حسب جدولة الشحنات

كيف أعرف متى حتوصل طلبيتي؟

تابع شحنتك من خلال الرابط برقم (شحنتك)، وكله مسجل خطوة بخطوة

كيف اتأكد أن المنتج راح يوصلني نفسه وبجودة ممتازة وماحتحصل أي عملية غش؟

لا تشيل هم، نحن نضمن أن جميع المعاملات بين المشتري والبائع ستكون تحت إشراف بازار، وسيتم التعامل مع أي احتيال من البائع بناءً على الشروط والأحكام. ولك الحق في إرجاع المنتج للبائع واسترداد المبلغ المدفوع بالكامل.

كيف أراجع المنتجات اللي اخترتها من الفيديو بعد الضغط عليها وقبل إنهاء عملية الشراء؟

تقدر تشيك على أغراضك في سلتك الخاصة قبل الدفع وتعرف كل شي عنها .. أنت بس اضغط على رمز السلة وتظهر لك كل التفاصيل